何佩瑜睇戲喊爆
藝人何佩瑜（Jeana）前晚出席《遇上世界上另一個你》首映禮時，表示十分喜愛該電影導演郭在容的作品：「我係《我的野蠻女友》開始留意郭導演，呢套畀人開心嘅感覺，不過睇《假如愛有天意》就喊得好犀利，佢每部作品都鍾意以轉圈鏡頭拍攝，好有佢嘅獨特風格。」她又表示最近完成劇集及電影拍攝，會回北京探親，7月中才開拍新電影。
而黃建東與緋聞女友瑪姬不避嫌「拍拖」睇戲，瑪姬自言看愛情片，問到會否感動落淚？黃建東笑言只帶備一張紙巾，她即說：「有次同佢睇科幻電影睇到瞓着，我今次帶咗一包，應該都夠分！」她表示最近穿電流衣服做運動，做20分鐘等於三次個半鐘的運動量：「啱晒我呢啲又懶又忙嘅人。」黃建東自爆清減不少，因為正與友人進行跑步打賭比賽：「用廿蚊美金打賭，每星期要跑到15K，點都要跑！」