秋生（抓）頭：可能畀錢唔經佢手啩！
藝人黃秋生前日被爆有私生子William，為免兒子受傷害，他直認不諱，昨日被問到William母親Joyce為何事隔廿年突然公開此事，他猜測與錢銀有關。
秋生與太太吳惠貞結婚26年，育有兩名兒子，但原來他還有一名20歲的私生子William，並與母親Joyce居於英國，多年來他與兒子保持聯絡且供書教學，日前兩父子更在港見面，關係相當不錯。
影響三叔公個仔？
被爆有私生子的秋生昨日露面，下午約三時，他與助手現身大坑寓所附近等的士，期間記者上前拍照，他沒有抗拒。對於Joyce公開指控他有不少問題，問知否是甚麼指控？他起初說：「冇回應，要講都講晒，佢啲問題你問佢啦！」對於有指怕影響囝囝，問到是擔心William還是其他兩個仔？他暗示是William：「好明顯啦！呢啲唔使再解釋，唔通影響三叔公個仔咩！」
「唔好喇啩」拒愛
雖然前日已坦承太太知悉此事，但當問到詳細情況時，秋生一律「封嘴」不願作答。至於已返到英國的William知否Joyce已將其身世公開？秋生接受電話訪問說：「William都唔識中文。」對於Joyce指他做了些不能原諒的事，他百思不解，並指：「Joyce話我做咗乜，我都唔知做咗乜，可能係我直接畀錢個仔唔經佢手啩！（Joyce話仲愛你喎？）唔好喇啩，咁愛法！」