余文樂湊B推Job唔見百萬酬勞

余文樂榮升爸爸後昨晚首次現身公開活動，表示已推掉工作，放了一個月假專心湊B，之後想放多一個月。問到可有損失百萬酬勞？他笑言：「點止，但唔關錢事，因為我想多啲時間陪個仔。」他自言負責餵奶及掃風，太太則負責換片。至於囝囝似他還是太太多些？他即得戚笑言：「似我。（太太呷醋？ ）太太覺得似自己多啲，但我就覺得似我多啲。（之後追多個女？）想，但又唔想生女，因為好危險。」他坦言想生兩至三個小朋友，但又笑言自己體力下降：「老啦嘛，小朋友要湊又要教好攰。」提到早前他與太太去了意大利旅行，他笑言：「等太太坐完月即刻起行，但一去到就即刻想返屋企，因為掛住個仔。」