連詩雅慶祝「29+1」 恨再開騷

昨日是連詩雅（Shiga）30歲生日，前晚經理人公司為她慶祝，監製男友徐浩在場陪她一齊倒數，同場還有周柏豪、鄭融、鍾浠文、黎紀君及一班同事，她說：「我都重視生日，好鍾意同一班朋友齊齊慶祝，好開心公司每年都幫我搞生日會，過去兩年呢日都係公司嘅人同我倒數。」她笑言流行生日周，會分開跟不同的朋友大擦多餐，昨日正日則與媽咪靜靜度過。
愛情得意的連詩雅，希望事業再衝刺。
愛情得意的連詩雅，希望事業再衝刺。

Shiga用「29+1」來形容今年生日：「對我嚟講幾難忘嘅一年，因為由2字跳去3字，無論睇嘢、心態同工作上都會有變，我都幾期待，生日願望係事業更上一層，都希望有機會拍劇作新嘗試，而老闆送我嘅最大禮物就係無限量支持我，希望可以再開演唱會。」

連詩雅與徐浩（右）及好友倒數迎生日。
  • 連詩雅與徐浩（右）及好友倒數迎生日。