尊尼特普50.7億身家乾塘

現年51歲的尊尼近年狂爆負面新聞，他早前罕有邀請《滾石雜誌》（Rolling Stone）記者到其倫敦寓所做訪問，公開回應私事！他一邊飲酒食煙，一邊真情剖白，坦承多年來拍戲所賺的50.7億港元，因為財政管理不善，差不多已全部蒸發！當談到控告財務管理公司疏忽與詐騙的官司時，他說：「真相係充滿背叛。」講到財困問題一度影響兒子Jack，平日Man爆的他亦忍不住落淚：「我個仔喺返學時聽到同學講，佢老竇點樣冇晒啲錢，咁樣真係唔掂！」

不理反對娶安芭：我做錯乜嘢！

尊尼於訪問中亦談及前妻安芭赫德申請離婚及指控他家暴的風波，但基於雙方離婚時簽下保密協議，他未有詳述細節。他指當初準備與安芭結婚時，身邊所有人都反對，又提醒他至少要簽婚前協議，惟他未有聽入耳。

安芭於尊尼媽媽Betty離世幾日後爆出遭家暴，隨後於Betty葬禮前一日申請離婚，面對婚姻破裂、摯親離世加上財政問題，尊尼坦言大受打擊：「我低落到極點！每日都好難承受嗰種痛苦……我每朝都會倒一杯伏特加畀自己，之後開始寫自傳，寫到眼淚多到令我睇唔到頁紙！我一路喺度諗，我做錯乜嘢要有咁嘅後果。我嘗試對所有人都好，幫助所有人，對所有人都真誠。真情對我係最重要，然而呢啲嘢仍然發生咗。」他自言以前信任身邊人，一直未有多加留神就簽署文件，但現時已學精會睇清楚。

被指花23.4萬買紅酒：好侮辱

另外，對於財務管理公司指他一個月花23.4萬港元買紅酒，尊尼誇口回應：「話我花23.4萬買紅酒係好侮辱！因為根本花得仲多！」他還坦蕩蕩談及吸毒史。