安俊豪細細個追Sing走失咗！
歌手安俊豪（Simon）是家中獨子，自細已好喜歡音樂的他，3、4歲就會聞歌起舞，談到童年時最難忘的兩件事，他說：「有年阿媽同埋啲親友帶我去年宵，點知行行吓，佢哋發現唔見咗我，啲親友好慌張，反而我阿媽就好淡定，即刻話有冇咩光或閃晒嘅地方，又或者有音樂嘅地方，結果有個攤檔播緊郭富城嘅歌，我真係喺度跳舞唱歌，仲好多人圍觀添。」
Simon笑言除了音樂，他對水亦同樣失控：「我好鍾意水，會踩水氹，唔理深淺有水我就會跳落去，有次阿爸阿媽帶我去行山，阿爸喺度影緊相，阿媽坐低咗，我見到條溪就『卜』一聲跳落去，阿爸連人帶機跳落去救我，結果我只係擦損咗，但阿爸為咗我，犧牲、捨棄咗佢部相機。」這兩件童年百厭事，他記憶猶新。
