遭黑客誣衊虐狗 陳達仁新片上映無期
藝人陳達仁前晚在圓方出席電影開畫場，他透露投資及演出有關拯救流浪動物的電影《毛俠》原本九月上映，但突然上映無期：「今朝收到院線正式通知終止合作，幾星期前已收到通知無限期延遲上映，原因係院線嘅夥伴公司不斷受到黑客網上攻擊，仲誣衊話我哋套電影食狗、虐狗、善款唔知去咗邊，好無稽，原來簽咗合約都咁冇保障。」
問到會否採法律行動？他說：「唔會，可能人哋做生意想避免麻煩，依家全力搵其他院線去做。（咩人騷擾？）唔太清楚，只知道佢哋係唔鍾意我哋宣揚保護流浪動物嘅一班人。（得罪人？）不嬲都有，我好多仇家，但只係工作上，唔關呢樣嘢事。（報警？）律師話可以，但我哋冇權要求人哋報警，黑客冇騷擾我，呢個最可悲。」