打碟女神Hot爆夜場 32D布睎尤滿足性幻想

中葡混血兒布睎尤（Raico）經常大方展示32D火辣身材，深得一班男Fans歡心，主力做DJ打碟的她，早前更打入內地百大DJ榜第16名，近月又投資火鍋店兼做直播主持，瓣數多多！

愛開直播跳熱舞

問到做直播感受，她表示喜歡與網友交流、表演熱舞及打碟，但第一日直播就遇上變態網友：「有個男人要求同我視像連播，我照做，跟住就去咗跳舞，跟住啲Fans叫我閂咗個細螢幕，話嗰個男人喺度露械，我未睇清楚就閂咗，覺得蝕呀！個個睇到，得我睇唔到！（多唔多遇到性騷擾？）經常，有唔少人叫我除衫，或者話鍾意我身體邊個部位，我會保持好EQ，之後靜靜哋Block咗佢。（唔開心？）冇喎！做到人性幻想對象係好事。」她直言想靠做直播吸納內地及台灣Fans，希望挑戰有內地主播一分鐘收到100萬元人民幣的紀錄。

身形高挑的布睎尤，大晒誘人長腿。	思想Open的布睎尤，對於肥嘟嘟的男士，情有獨鍾。	不時以性感裝扮打碟的她，有「打碟女神」之稱。

單身八個月Dry爆

Raico身材出眾又經常到夜店做DJ，但原來已單身八個月，她自認Dry爆，問到擇偶條件，她說：「要識用腦、睇前景、會做運動同幽默，最緊要係唔介意我性感！」又指偏好肥嘟嘟男士，因為可以陪她狂食，她自認大食，但食極唔肥：「我個名布睎尤嘅普通話發音係『不吸油』，真人都係唔吸油(口架)！」

Profile

布睎尤（Raico）

身高：1米75

三圍：32D、23.5、36

興趣：DJ、音樂、畫畫、運動