梁朝偉撇王家衛搵嘉玲做經理人
影帝梁朝偉宣布與合作了20年的澤東電影公司經理人合約屆滿，暫由太太劉嘉玲兼任其經理人工作。曾為偉仔帶來多個影帝光環的王家衛，有感功德圓滿，寫下歷史性一頁。
梁朝偉跟導演王家衛合作無間，昨日偉仔主動通知傳媒，正式結束由王家衛主理的澤東電影公司經理人合約，由太太劉嘉玲暫代經理人一職，偉仔透過短訊說：「以後大家有任何工作上嘅需要，可以暫時聯絡我太太劉嘉玲，唔該晒大家。」
唔會代夫篩選工作
嘉玲承認確有其事：「喺佢未搵到合適嘅經理人之前，暫時幫住佢手，聯絡吓啫！（偉仔點解突然走？）其實好小事，每一份合約總有一日會完，我要尊重梁生嘅意思，等佢自己講啦，佢每個決定我都會支持。」本身也是大忙人的嘉玲要兼任偉仔的經理人工作，對此她說：「咁多年嚟我都係負責搞掂自己嘅工作，冇乜大問題，想搵佢嘅人亦會搵到我。（幫佢篩選工作？）唔會，因為大家睇法未必一樣，我只係會轉達訊息畀佢。」
屢奪影帝功德圓滿
偉仔憑王家衛執導的電影《重慶森林》、《春光乍洩》、《花樣年華》及《2046》，勇奪四屆金像獎影帝，王家衞昨日以短訊回覆：「多年前有一位朋友把梁朝偉託付給我們，多年之後我們把梁先生圓滿地交還給她，一段光榮的歷史，我們不負所託，非常完滿！」而澤東則表示：「1998年梁朝偉先生和澤東公司開始長達20年的旅程，從《重慶森林》、《悲情城巿》，從金馬獎最佳男主角到康城影帝，多少榮耀，多少永恒難忘的瞬間。2018年，我們決定和這個20年的朋友，一起探索新的方向，彼此不再以合約約束彼此，用新的方式，各自邁向新的旅程。」