叫Jessie唔應 大宇索性嗌郭可盈車匙！
藝人陶大宇、郭可盈、郭藹明及監製潘嘉德等昨晚齊集將軍澳，出席劇集《刑事偵緝檔案》23周年台前幕後聚會，眾人難得相聚，大宇及可盈碰面即為「車匙」解畫，大宇笑言：「大家都好質疑我叫佢Jessie（郭可盈劇中角色）唔啱音，叫咗『車匙』，係因為叫佢Jessie佢唔應，叫車匙先應，之前啲朋友都跟我咁叫佢。」可盈笑指全靠這條「車匙」，大家才有這麼多回憶。
郭藹明冇戲癮
講到劇集正在重播，郭藹明表示由於播映時間太夜，所以沒看，又直言沒有戲癮：「可能離開得太耐。（有人搵會唔會拍？）少啲喇！係都搵佢（老公劉青雲）啦！」至於監製潘嘉德透露今次沒辦法通知所有演員，希望25周年可以辦一個齊人及更大型的聚會，而服務無綫40年的他已離職，但年底會為公司開拍一套電視電影，轉另一種合作方式。
