Gin Lee冇啖好食瘦10磅

歌手李幸倪（Gin Lee）為本月23至24日的紅館處女騷《GIN LEE李幸倪first of all Live》積極排練，頻頻做Gym，成功在三個月內瘦了10磅！她現時唯一願望是騷後食餐好：「好密集式咁操，自己好畀心機，但真係冇啖好食，只係烚蛋、烚菜同烚番薯。」她又指「大日子」愈近就愈緊張，雖然不停叫自己放鬆，但都經常失眠。提到跳舞部分，她信心十足表示冇問題：「練咗幾個月真係有血有汗！」而其新EP將於明日推出，對比起EP封面的「中門大開」露背性感造型，她笑說：「演唱會啲衫都好性感！」