楊秀惠特訓雜技狗「暖男」飛雲看門口

東網巨星節目《巨星Pet Pet》播出以來反應熱烈，新一集請來楊秀惠及其愛犬「飛雲」齊齊亮相。第一次養狗的楊秀惠，接「飛雲」回家時十分擔心應付不來，她說：「初頭佢嚟嘅時候好細個，得幾個月大，未識得喺邊度去洗手間，同埋深夜又會不停吠，搞到我好沮喪、好大壓力，好擔心自己應付唔嚟。」

做錯嘢要打Pat

後來她上網搜尋，綜合多個訓練狗隻的方法，加上朋友提供的心得，「飛雲」終於學會獨立，令她大感安慰：「訓練狗仔唔可以成日讚，唔可以小小事就講Good Boy，而且佢一做錯嘢就要有適當嘅小懲罰，例如打Pat Pat，咁佢先會慢慢學乖。」

現在的「飛雲」除了能做出穿過呼拉圈等高難度動作外，更不時化身「暖男」，令她非常窩心：「佢真係好生性、好聽話，每一次返到屋企，佢都會喺門口等我。有時朝早一起身打開房門，就見到佢喺門口等我，就好似有個屋企人喺度等我咁，好Sweet！」

歲半老虎狗分量十足

「飛雲」是法國老虎狗，現年約一歲半，年紀輕輕體重卻相當有分量，楊秀惠笑言抱着牠猶如抱着一包米。「飛雲」的原主人因不方便養狗，故楊秀惠獻出「第一次」接手飼養，經過一年的日夕相對，已培養出默契。

楊秀惠訓練狗狗中槍瞓地扮死，認真搞笑。	放大圖片	「飛雲」躍起High Five，夠晒醒目。

《巨星Pet Pet》每集請來不同藝人帶同寵物亮相，分享相處之道，包括廖碧兒、傅穎及胡琳等，寵物則有貓、狗、蛇、兔、蜥蜴及鸚鵡等，大家可在東網App及東網網頁隨時隨地收看及重溫精彩內容。

睇片：https://bit.ly/2ll7vmq