「粗獷嘉穎」偷吻趙哲妤面紅回春

獨力照顧耳患女兒「小魚」的前中國小姐趙哲妤（Uny）有新歡！日前本報拍得Uny和貌似鄭嘉穎的健碩男士「蜜遊」銅鑼灣，到書局「打書釘」，全程依偎一起睇兒童心理學書籍。期間「粗獷嘉穎」忍不住輕搭Uny膊頭及咬耳仔，之後帶女方排隊買雪糕食，一杯雪糕兩份食及互餵「降火」。之後乘搭電梯時，他突然親吻Uny，令身為人母的她即時回春，面紅兼甜笑，少女味爆燈。據知，「粗獷嘉穎」名叫Him Wong，年近四十歲，是一名模特兒，曾拍過不少廣告。
「粗獷嘉穎」輕吻趙哲妤，女方冧到震。
「粗獷嘉穎」輕吻趙哲妤，女方冧到震。

昨日Uny回覆本報，直言和Him了解中：「個男仔話四、五年前就喜歡我，喺首映認識嘅，但當時我有男朋友，所以冇同佢交流太多。佢喺美國洛杉磯回流返嚟，佢屋企做凍肉同乾貨海味供應商。我都覺得我哋外形好匹配，有人仲話我哋有夫妻相，講講吓我都覺得有發展空間。」問到女兒有否見過Him？她說：「佢見過小魚一次，佢做Gym做咗十二年，對健康同營養補充品好有研究，佢送咗啲DHA魚油畀小魚，話小朋友大腦發展好重要。」

兩人在書局拍拖「打書釘」。
  • 兩人在書局拍拖「打書釘」。
趙哲妤被指與Him有夫妻相。
  • 趙哲妤被指與Him有夫妻相。