大埔LuLu拒認「燈神」追捧德國

被網友封為「足球界燈神」的「大埔LuLu」董嘉儀日前公開撐德國隊，結果德國竟大熱倒灶，足證LuLu「燈力」強勁！昨日她到尖沙咀出席直播平台活動，笑言只是巧合：「我都係Tip啲好正路嘅波，德國係上屆冠軍，但網友講番我之前Tip錯過咩波。我冇唔開心，得啖笑，我唔覺自己有呢個『燈力』。（咁你終極支持邊隊？）繼續撐德國隊！」她表示會盡量睇所有賽事，問到與男友有否打對台鬧交？她笑說：「佢鍾意阿根廷，我覺得麻麻，但冇出聲，費事Hurt佢，結果美斯射失12碼，我講番件事，佢就喊囉！」