何傲兒韓國拍廣告乘機偷師
藝人何傲兒（Lily）拍攝內地劇《歸去來》後，人氣急升，獲韓國化妝品牌垂青拍攝廣告，Lily在廣告中穿起連身裙微露「事業線」，盡顯青春少女味。
廣告中素顏示人的Lily表示，拍攝前敷定面膜準備十足：「其實係有幾個化妝師幫我化妝，然後再即場落妝，Close up我啲皮膚，再化妝，真係見真章！我事前一星期都去水腫，同一日敷兩次Mask。」Lily因不懂韓文，故與攝影師要靠肢體語言溝通：「大家都唔明對方講乜，所以好似老鼠吱吱吱咁講嘢，靠大家嘅身體語言拍攝。」問到今次酬勞是否豐厚？Lily說：「係非常滿意價，除咗可以去當地玩之餘，仲可以向化妝師偷師，可以學以致用。」
