遊新西蘭夠刺激鄭綽芹住猛鬼酒店
模特兒鄭綽芹（Emma）與老公婚後到新西蘭北島度蜜月，於奧克蘭、羅托魯瓦（Rotorua）、懷多摩（Waitomo）、威靈頓四地逗留合共15日。Emma去過兩次新西蘭，認為一定要住民宿兼有廚房可以下廚，笑言因為當地的羊扒及牛扒又平又好食。她更透露到羅托魯瓦玩「飛樹」好刺激：「咁啱老公生日，喺一個未開發嘅森林玩飛樹，又喺樹與樹之間行走。」
Emma又表示在懷多摩既難忘又驚怕：「難忘係見到好多螢火蟲，真係好靚。我哋要喺當地留三晚，但當地得一間酒店，係出名最猛鬼，雖然冇見到啲乜，但我每日都好驚。」更透露最黑仔是乘搭火車到威靈頓，竟然遇上火車冇信號：「坐火車坐到一半停咗，由於係單線火車，所以怕有車會反方向嚟，全部人要落車，又落雨，真係好狼狽，都有少少驚，喺一個冇人嘅地方等兩個鐘，好彩有好多人一齊陪我哋。」
