袁偉豪遺憾灑淚：睇唔到我成家立室
袁偉豪昨日為癌病離世的父親辦理喪事，女友張寶兒一直陪伴在側，分擔照顧袁媽媽的重責。提到父親，他不禁流下男兒淚：「我最遺憾係畀唔到佢睇住我成家立室！」
藝人袁偉豪（Ben）父親袁永泰上月因鼻咽癌離世，終年67歲，昨日在紅磡世界殯儀館設靈，今早大殮後上山火化。
寶兒照顧袁母
袁父的喪禮以道教儀式進行，靈堂布置莊重簡潔，生前曾任警察的他獲有關單位送上花牌，亦有不少圈中人如樂易玲、胡定欣、歐陽震華夫婦、朱智賢與謝東閔等送上花牌，好友胡諾言亦有到場致祭。靈堂上見Ben與寶兒一直貼心照顧不時啜泣的袁媽媽。
Ben、寶兒及袁媽媽下午四時許到場打點，待安頓好母親後，Ben才接受訪問。他透露母親因喪事而心情反覆：「今日到殮房認領遺體，大家都忍唔住落淚。事件發生成個月，心情係可以喘息吓，但呢一、兩日心情傷感、心酸，但都唔可以抒發，因為呢個時間需要堅強。」問到袁爸爸可有甚麼交託他？Ben終於控制不住情緒流下男兒淚：「佢會好放心，我最遺憾係唔可以喺佢有生之年，畀佢見到我成家立室。」由於袁偉豪表示父親生前想睇世界盃，故有家屬為袁父準備印有球賽畫面的電視機祭品。
冇食止痛藥
提到寶兒指袁爸爸好堅強，Ben感觸表示：「佢係好堅強，佢一粒止痛藥都冇食過，表面嘅痛係可以理解，但真正嘅痛只有佢先會知。」