杜德偉開Turbo造人為囝囝添玩伴

56歲歌手杜德偉（Alex）自囝囝Alex Junior出世後，愈來愈型，快將父親節，兩仔爺更穿上父子裝放閃！Alex日前受訪時，稱去年因工作而錯過和兒子過節，今年終於可趕及回港，一家三口首次正式慶祝父親節：「會食餐飯，阿仔太細個，只要佢叫聲爸爸，錫啖我已經好冧！佢好叻呀，會識黐個頭仔過嚟，仲會同我嘴對嘴錫，佢一擘開眼就會叫爸爸，佢係叫爸爸先過媽媽。」
杜德偉和囝囝穿上父子裝，溫馨又帥氣！
杜德偉和囝囝穿上父子裝，溫馨又帥氣！

Alex更透露想為囝囝添弟妹，密密勤力「造人」：「今晚就努力！生仔、生女都冇所謂。」他指曾聽過長輩說，父親離世後仍會留下痕迹，自覺愈來愈似在天堂的爸爸，而囝囝就似自己，並笑言：「囝囝好似我Daddy，可能係我爸爸轉世。」

拒做怪獸家長的杜德偉自言最緊要囝囝開心。
  • 拒做怪獸家長的杜德偉自言最緊要囝囝開心。