沙律黐實男友睇波增情趣

沙律起腳示範「衝力射球」。

深得網友歡迎的索女「沙律」張沛樂、趙詠瑤（Kimi）、ViuTV選美冠軍羅伊婷（Daisy）及世界旅遊小姐香港代表彭美詩（Mercedes）趁世界盃殺到，換上波衫短褲踢波湊熱鬧。對足球最有研究的Kimi睇好上屆冠軍德國，但亦支持最多小鮮肉的法國，Mercedes則笑言當然會支持跟她「同名」的阿根廷球星美斯，而沙律力撐大熱巴西隊，Daisy則睇好西班牙。

落Bar搵艷遇

講到今晚深夜西班牙對葡萄牙「雙牙」大戰，Kimi知西班牙會全力盯死C朗，而且分組賽大家都以不失分為大前提，相信賽果是零比零。沙律則認為C朗熟習西班牙球員踢法，葡萄牙會小勝。本身有西班牙血統的Mercedes直言一定會偏心，相信愛隊會打入決賽。

世界盃踢足一個月，Mercedes表示會約好友睇波感受熱鬧氣氛，沙律亦指不擔心被男友丟低：「我本身都男仔頭又鍾意運動，會跟埋一齊，而且想同另一半有共同興趣。」Kimi自稱比老公對足球更狂熱，並提議靠睇波增加情趣：「無論識唔識波都好，各自支持一隊，輸咗嗰個就要買嘢畀對方。」單身的Daisy過去兩名男友都是足球迷，令她增長運動知識，希望下任男友都是運動型，三女即笑言會約她落Bar睇波介紹男士給她認識，令Daisy尷尬傻笑。

趙詠瑤（左起）、羅伊婷、沙律及彭美詩換上球衣，約埋踢波湊熱鬧。	彭美詩控球有板有眼。	趙詠瑤（左）笑言帶羅伊婷落Bar睇波識男仔。

場地：車路士足球學校（香港）