仙樂都陪仔睇波為監場
藝人吳堯堯（仙樂都）最近參與6月中播出的面包台世界盃節目及拍攝VR寫真，坦言認識不少足球知識：「我本身打羽毛球同網球，對足球唔係好知，淨係睇靚仔！好彩其他主持人教我乜嘢叫越位，點叫犯規。」她以往曾陪男友到酒吧睇波，但只會玩電話和傾偈：「我嗰時好鍾意佢，所以陪佢去睇，其實主要係想監視佢有冇溝女！」
問到現在可有拍拖？仙樂都預告有新戀情：「有追求者，不過要相處耐啲先。依家我唔係十八、廿二，唔係求激情或者一見鍾情，而係搵可以一齊住嘅終身伴侶。」她不願透露對方背景，笑言不想嚇走人，只肯說比以往的追求者成熟。
髮型、化妝：Twiggy Wong@Dickteam