張敬軒兼職古董買手慘蝕幾十萬學精！
張敬軒將於本周四舉行一連六場紅館「HINSIDEOUT張敬軒演唱會」，日前他接受專訪時，回想未加盟英皇前，因先天家族遺傳，加上追求完美的性格，令他常自困，於2007年更引發抑鬱症：「嗰年為陪患重病嘅哥基，喺獸醫診所住，要不停見住啲狗狗貓貓，生勾勾嚟，之後就入黑膠袋擺入我背後嗰個『雪櫃』度，有啲主人為寵物嚎哭，有啲同男朋友分咗手就帶嚟人道毁滅，日日不停面對生生死死。」
陪愛犬留醫人都癲
軒仔的哥基愛犬在留院第12天病情好轉，他即帶狗狗出院：「我同醫生話我頂唔順，真係人都癲，發覺自己唔掂，隻狗要咩醫療儀器全部買返屋企，我唔可以再喺度。」唯一令軒仔得着是學識寵物的基本急救，成了「寵物護士」。
問到如何治療情緒病？軒仔淡淡然說：「冇o架，等時間過囉。」隨年長變得成熟，且加入英皇很有安全感，令他無懼情緒問題：「其實楊博士（英皇老闆楊受成）教咗我好多，最記得佢話：『遇上問題時，唔好再諗番轉頭，係要諗依家可以做乜，點樣解決問題』，覺得好啱，有問題時已冇時間再去鑽牛角尖。」
將興趣變生意
軒仔被楊受成「點醒」後，人亦變得豁達，近年將興趣變作生意當買手，有次到巴黎買了一個貨櫃的家具，但回港後賣家卻不發貨，令他損失數十萬元：「嗰批傢俬係我墊支先，但賣家唔寄貨，我又應承咗人，所以又要自己畀機票、住宿錢再飛去搵另一批貨交畀人。」雖然蝕錢，但軒仔很享受這份兼職：「有人畀機票、酒店錢你去做自己鍾意做嘅事喎，自己又開心，學到古董評估，又可以將自己鍾意嘅古董攝喺個客嘅貨櫃度，慳番運費。」他又指所買的古董非每件都價值連城，好像放在「仙后餐廳」中的鋼琴及燈：「嗰三盞燈都係幾百蚊港紙之嘛！」