黃百鳴抱孫當禮物

資深藝人黃百鳴與藝人麥嘉昨日出席戲曲音樂劇《一代天嬌》記者會，黃百鳴在台上踢爆麥嘉於80年代拍戲忘記台詞，幸而當年流行配音，又笑說：「舞台劇冇得配音，仲要演兩個鐘，不過呢套係麥嘉編劇，所以佢都記得嘅！」麥嘉則表示舞台劇與電影有別，對白一個字不能多，也不能少：「臨演出前要默劇，喺腦海中默晒成套劇。（臨場爆肚？）唔得，會累到下個演員。」問到會如何慶祝父親節？黃百鳴指新抱日前誕下孫兒黃希諾，已是最好的父親節禮物，問會否送樓給孫仔？他說：「咁細個，留番大個先！」