謝安琪人妻「偽」術
歌手謝安琪（Kay）自加盟麥浚龍（Juno）公司後，昨日終現身電台宣傳首支派台歌《人妻的偽術》，她表示很期待大家對新歌的睇法：「重拾呢份工作真係好開心，心情又好興奮，多謝Juno畀咗好多信心、支持我。」
講到新歌，Kay表示是以人妻角度探討「偽善」，問到是否自身寫照？她賣關子笑言叫大家猜猜：「雖然我都係人妻，但估吓當中有幾多成係我嘅心聲，有幾多係林夕（作詞人）幫我補貼上去，當中係講人與人之間有幾多偽善係禮貌，有幾多係為之假呢？」她續自認「順得人」，對住在乎的人往往會「偽善」：「少少蝕底冇所謂，唔計較，會吞咗佢。」