楊怡自誇煮得郭晉安餓死都唔食

雖然楊怡自言有幾道撚手小菜，但郭晉安完全唔想試。

藝人黃智賢（Ben）投資7位數字開設的醫學美容中心昨日開幕，獲關詠荷（Esther）、歐陽震華（Bobby）、陳慧珊、郭晉安、滕麗名、陳煒、張慧儀等圈中好友撐場，更促成無綫經典劇《陀槍師姐》、《真情》及兒童節目《閃電傳真機》等組合聚頭，熱鬧非常。

平時冇得入廚房

滿腦子生意頭腦的安仔，表示有意與阿怡合作搞車仔麵生意，但阿怡卻擔心會執笠而推卻。阿怡又自言非地獄廚神，更自誇廚藝不錯，問到老公羅仲謙可有試過其手勢？她說：「佢（羅仲謙）成日同我媽咪講，第時會餓死，因為平時媽咪唔畀我入廚房，下次煮畀安仔食吓！」不過安仔卻直言寧願餓死也不願試其手勢，令阿怡哭笑不得。

《陀槍》拍檔再聚頭

而《陀槍》老拍檔Bobby與Esther受訪時全程幽默互窒，Bobby表示一直有構思延續該劇，Esther亦坦承遇上好劇本會出山。至於Bobby在台上見昔日一班兒童節目主持合照時欲加入其中，自言曾面試兒童節目，但不被取錄。事後他透露當年與周潤發及梁朝偉合作無綫劇集《北斗雙雄》期間，與周星馳一同面試兒童節目：「我想入o架！但周星馳唔想入就揀咗佢。（點解咁想入？）因為入兒童節目半年就紅啦！」

歐陽震華與關詠荷互窒對方造型，相當爆笑。

一眾藝人齊齊現身撐黃智賢。