克勤自爆生仔秘方：情到濃時嚟囉！
歌手李克勤、周國賢與AGA（江海迦）前晚為音樂會綵排，克勤與周國賢透露音樂會大玩樂器，AGA則會處女獻舞技，曾自嘲跳舞天分差的克勤即搞笑說：「你賴低我哋？好彩啫！你應該將跳舞留番自己演唱會！（你係舞王？）喺『左麟右李』裏面係，但今次我唔會跳，幾年先排一隻舞，今次會自彈自唱三首歌。」
周國賢早前罕有地上載與韓籍太太李美英的恩愛合照，太太更疑似肚凸凸，育有三名女兒的他莫非將榮升第四任爸爸？他即說：「唔好啦！（追仔？）唔係啊嘛？（唔排除再做爸爸？）自己都幾排除，係幻覺嚟。」提到可有向育有兩子的克勤求生仔秘方，克勤即開玩笑說：「生仔要合指一算，但我梗係唔係計日子！（你兩個仔點嚟？）情到濃時嚟囉！（同周國賢交換生仔心得？）咁咒我？啱啱先甩身！」AGA讚兩位人父幸福，克勤聞言即說家家有本難唸的經：「早有早甩身，遲有遲開始。」
