姜麗文買樓拒父幹：憑乜要佢捱70年嘅錢！
資深演員秦沛對兒子姜文杰及女兒姜麗文錫到燶，還打算出錢助兩人買樓，卻遭子女拒絕！姜麗文透露不忍心花父親捱足70年的血汗錢，希望與哥哥努力儲錢， 買樓畀父親享福。
藝人黃智雯（Mandy）與姜麗文（Lesley）等昨日為梁材遠的新劇到東涌拍外景，兩人飾演好友，雖然是首次合作但默契十足，心有靈犀一同大叫是「Best Friend」，笑言可以組隊女子組合。兩人表示相識前已有不少人指她們生得相似，合作後更加覺得似樣，Lesley認為可能都是眼大大關係：「有化妝師之前都話我輪廓似佢，我好開心！因為Mandy係我女神，話我似佢好榮幸。（合作得開心？）係啊！今次係我返無綫第一部劇，本身好緊張，但Mandy好Nice，令我好Relax。」
古明華「曬性感」
對於有指秦沛打算幫Lesley及兒子姜文杰畀首期買樓，但遭拒絕，Lesley笑說：「其實Daddy每年都話要買樓畀我哋，又話畀大利是，但我哋唔想！我憑乜嘢要Daddy入行70年嘅錢！佢應該將辛苦賺嘅錢畀自己享福，我同阿哥都30幾歲，應該要靠自己，生生性性儲錢，希望錫番爸爸，有朝一日買番樓畀佢。不過香港樓價太貴，未買住。」至於Mandy表示拍畢該劇後只能休息一日，就要趕拍下套，因為要改髮型，兩劇不能重疊拍攝。
另外，同劇的古明華心口一片通紅，他透露前日在天台拍吊威吔戲，身穿浴袍暴曬一小時，結果胸前曬出「性感」Deep V印。