李日朗冇錢交租被迫做廢物回收

Don昨日在尖沙咀開記者會，獨自面對傳媒的他，宣讀預先準備好的講稿，交代去年被相識六、七年的女友人騙財經過，提到被騙230多萬元，大部分是對方藉詞替他進行金融股票投資，其餘70萬元則是Don給她的私人借貸：「上年10月佢安排我喺香港一間證券行開戶口，授權佢喺網上操作我戶口，但今年4月我第一次檢查戶口，發現原來冇任何股票存入過。至於佢同我借嘅70萬，佢話用嚟急救醫院嘅朋友，嗰晚係星期五，答應下星期一還。」

自覺好傻

結果朋友一直失聯，Don續說：「今次損失，係唔止幾百萬，因為我係動用公司資金借錢畀佢，冇咗呢筆資金，影響咗生意同影響埋朋友，我投資嘅錢有朋友同家人嘅錢，我要負責番，所以我仲孭多咗新債務，有幾項生意告吹，要賠違約金畀人。（即係爭多咗幾多？）爭多咗200幾萬。」

Don稱公開事件是不希望再有人受騙，據他所知，還有4、5人中招，其中最觸動他的是受害人中有一位是退休伯伯，故鼓勵受害人報警。他透露事件發生於去年底，但今年4月才報警，他解釋：「因為佢係我朋友，同佢前夫都熟，佢又有兩個小朋友，一個10歲、一個8歲，唔想大人嘅事影響到小朋友，一直等佢還錢。報警時睇番自己嘅對話紀錄，都覺得自己好傻，我就係一個咁嘅人，真正朋友十個唔夠，朋友問借錢就信。」

李日朗早前到警署求助，希望不再有人受騙。

李日朗感謝商家、朋友及業主體諒，最重要有女友支持。

乜Job都接

為了還債拯救自己人生，現在Don要卑躬屈膝甚麽工作都接，如廢物回收、工程外判等，目的是盡快清還拖欠朋友和家人的債務，更自爆已欠租多月，問是否一鋪清袋？他說：「清袋呀！好彩有一班支持我嘅商家同朋友，呢段時間安排工作，維到生。業主好好，我喺出事之後第二個月，同業主講可能交唔到租，佢話OK，等我處理自己嘅事先，依家我找緊之前嘅欠租。」