朱千雪買衫大一個碼扮瘦
藝人朱千雪及呂慧儀昨日到荃灣出席TVB周刊活動，正進修的千雪將迎接暑假，問到會否藉機會收身？她說：「我有跟餐單食嘢，隔日做兩個鐘運動，可以做嘅都做晒，唔好怪我啦！（羨慕邊位女藝人身形？）我去台慶最尷尬，因為每一個同台女藝人身形都令我好羨慕。」她又笑言買衫會買大一個碼，視覺上較鬆身顯瘦。
而呂慧儀提到父親節將近，問到如何為老公黃文迪慶祝？當日要開工的她表示會一家人吃飯，老公正忙於操弗要戒口，當日或可放縱一下。她又指囝囝蟹籽就是最好禮物：「最好係養到佢肥肥白白，第時大個陪爹哋一齊Gym，等老公多個Buddy。（一個Buddy唔夠？）我要拍劇呀，唔夠時間生多個Buddy。」