周永恒未婚妻開腔力撐：放過佢！
周永恒離婚半年入紙申請娶內地女友陳薇，前妻趙頌茹表明各行各路，只煩惱如何向女兒交代；而陳薇就公開婚照及發表共患難宣言，懇求外界給具音樂才華的未婚夫一條生路！
負評多多的歌手周永恒（Roy）前日被爆跟拍拖年多的內地女友陳薇入紙申請結婚，跟前夫Roy反目離婚的趙頌茹（阿Yu）昨日一副「甩難樣」，笑住與林雅詩一同出席群星演唱會活動，自言是局外人，並指心情沒受影響：「如果有就大鑊，朋友問我O唔OK，我話唔OK就死。」但她亦惆悵如何向兩位年幼女兒交代父親的婚事：「我有責任，當然對方都有責任，作為媽媽都諗緊幾時講好，因為佢哋考緊試，年紀又細，媽媽角色好難做。」又稱希望「家事」能自己親口講，不想女兒從同學或其他家長口中得知。阿Yu又透露和前夫聯絡只限於傾離婚事宜，並婉拒回答對方可有見女兒。
求外界畀空間
至於準新娘陳薇前晚則在社交網晒攬住Roy的婚照，並留下愛的宣言：「可能我揀咗一條最艱辛嘅路，但無論如何我都會喺你身邊支持你，陪住你行落去。」她再透過短訊受訪，指人誰無過，認為Roy已斷送前途作為犯錯的代價，而他僅34歲且具有音樂才華，外界不應將其錯誤放大、標籤及打擊他，又挺夫說：「佢真係改變咗好多，成年人嘅問題，有時真係兩個人先知，放過佢，畀多啲空間佢啦！」
迷惘憑歌寄意
Roy亦在社交網上載新相，並引用陳奕迅的《任我行》憑歌寄意表達迷惘：「曾迷途才怕追不上滿街趕路人，無人理睬如何求生。」似乎婚事未有為他帶來太大的沖喜作用，心情似其婚照般滲着點點憂鬱。