眾星哀悼馬浚偉難捨好友

馬浚偉：「好難過……好難過……我真的不想是事實。其實一個星期前同朋友去過佢屋企探望，當時佢仲好精神，好唔捨得佢！真不想多講了，她會在天家快樂地得永生。」

佘詩曼：「記得當年拍完《十月初五的月光》攞咗獎，佢想約我做訪問，但係嗰陣真係好難約，佢話冇所謂，照約，點知訪問嗰日我罕有地遲到，唔知醒呀！佢差唔多打咗兩個鐘頭電話畀我，去到嗰陣我仲邊化妝邊做訪問，佢好好幫我叫定嘢食，之後仲車我返工！佢好提攜後輩，係一位好值得尊重嘅前輩。」

佘詩曼	薛芷倫	張天愛

薛芷倫：「好惋惜同難過，同佢認識好多年，中學時已經好鍾意睇佢嘅作品。佢永遠都係雍容華貴、好有品味同女人味，後期喺Ball場見過佢，大家都會傾扮靚。希望佢喺天國繼續快樂、美麗地繼續永生。」

汪明荃

黎燕珊

張天愛：「初入行時黃霑同林燕妮係我經理人，佢真係好靚，係一個獨立女性，為人浪漫，感情細膩。佢嘅文筆當然冇得頂，好有感情，佢嘅筆觸絲絲入扣，觸動人心。」

汪明荃：「多年嚟好少見面，佢都算係我嘅前輩，好後生時大家已經認識。當年佢同黃霑搵我、黃淑儀同李司棋拍洗頭水廣告，嗰陣我哋剛剛出道，都40幾年前！佢係一個才女，係一個靚女，女神嚟o架！當年好多男士鍾意佢，學歷又高，又有品味。」

曾與林燕妮在保險公司共事的黎燕珊說：「佢係Top sales、Super star，佢喺公司已經好紅，佢唔只文筆好，做生意Network都好勁，識嘅人好勁，啲客保費係過千萬，視佢為偶像、目標。」