有情有義願借廿萬助劉培基解困
林燕妮病逝，不少其生前好友都深感惋惜，其中香港著名時裝設計師劉培基（Eddie）、吳雨及鄧英敏大讚她對朋友很慷慨。Eddie昨日接受本報電話訪問時，難掩悲痛之情，表示見林燕妮已是兩年前的事，對方曾邀請他結伴到桂林旅遊，惜他因健康問題未有成行。他又憶述1979年於巴黎搞時裝展覽時，因生意不濟，林燕妮有意施以援手：「佢同黃霑約我出嚟食飯，食完飯，林燕妮細細聲喺我耳邊講『有咩事我可以幫你，你需唔需要我畀廿萬你？』以1979年嚟講，廿萬算係一筆唔小嘅數目，不過我最後冇要。」
林燕妮曾談過對生死的看法，Eddie說：「佢對生死冇所謂，係人生必經階段，要發生就要發生。」提到對方生前點滴，Eddie說：「佢有肺癌可能係食煙關係，因為佢食得好多，但動作好優雅。」又坦言首次見林燕妮，亦是與香煙有關。
至於吳雨指每年《歡樂今宵》舉辦大型聚會，林燕妮被邀請卻未能出席時，總會出錢讓眾人抽獎。《歡》舊同事鄧英敏亦難忘她豪捐兩萬元作抽獎之用，更講明要一票奪得，製造氣氛。