蕭正楠曹永廉出煮意燒味變壽司

蕭正楠（左）、曹永廉（右）

氹老人家有一手

見阿廉揸刀有板有眼，阿蕭則負責搓飯糰。問到可有演員吃完投訴難食？曾在廚房工作的阿廉自誇：「我哋啲燒味壽司同沙冰好好味o架，大家畀面梗係話好食啦，其實真係OK o架，之前我哋都整過花膠響螺雞煲。」蕭正楠亦稱做過日本餐廳，整壽司絕對冇難度。

另外，早前他們到老人院整美食給公公婆婆品嘗，這對「孖寶」氹得老人家勁開心。阿廉說：「嗰一集最有意義，有啲九十幾歲婆婆，一邊食一邊同我哋傾偈。」阿蕭亦說：「我哋煮漢堡畀佢哋食，最重要係有人關心佢哋，同佢哋傾偈唱歌畀佢哋聽，佢哋就好開心。你知啦，阿廉好少做善事，我都一樣啦，哈哈，所以呢集係好有意義嘅。」

唐詩詠食完讚OK。	蕭正楠（左）與曹永廉專心炮製另類壽司，有板有眼。	蕭正楠到老人院探訪，氹得長者們勁開心。