蕊蕊求偶生意男優先

藝人陳蕊蕊昨日出席川菜餐廳開幕，她稱有興趣投資餐廳，但大呻擔心同拍檔夾份會有好多問題，故特意報讀課程，由零開始學習：「會讀一個月，學吓點樣營運。（會否試投資內衣生意？）唔會，都有畀周秀娜嘅內衣生意嚇怕。」問會否考慮交個做生意的男友？單身的蕊蕊怕醜話希望可以，但事與願違：「身邊都有追求者，暫時都係做朋友先。」
蕊蕊學做生意，密謀開食肆。
蕊蕊學做生意，密謀開食肆。

同場的堪輿學家陳定幫攜懷6個月身孕的愛妻楊錳霏現身，他指今次是首次投資餐廳，當生B禮物送給太太：「投資咗6位數字，太太鍾意食辣，同埋我同太太條命都需要火，投資辣嘢就啱晒。」他又透露今胎是女兒，會擇良辰吉日生B，至於改名則待B女出世後再定。

陳定幫開舖氹佗B老婆。
  • 陳定幫開舖氹佗B老婆。