康華睇豪宅樓盤:買磚頭穩陣!

近日無綫劇集《宮心計2深宮計》掀起煲劇熱潮,當中飾演「南宮司設」的康華人氣急升,曾因照顧雙親而開支大,慳到要食隔夜飯盒的她「谷底」反彈,被發現兩度現身清水灣豪宅樓盤開售現場,準備入市,和王浩信做鄰居!

樓市高企,但仍無阻一班藝人入市掃磚頭,周柏豪和王浩信將會成為鄰居,王浩信以3,300萬買入清水灣傲瀧一個千呎單位給母親,周柏豪也以超過2,000萬買同一屋苑單位外,原來康華亦睇中該樓盤!

早年為親情放棄愛情的康華,因照顧患病的雙親,除拍劇外,亦經營副業教跳舞,慳得就慳,她曾表示拍劇時見劇組提供的飯盒有多,會多拿一個當作下一餐,前年更曾返內地開拓市場。密密做的她,近日憑《宮》劇再度彈起,獲網友大讚演出夠生鬼!

密斟研究座向

康華曾透露去年因樓上住客不停裝修,令廁所假天花漏水等問題,故希望安排父母入住清靜的寓所,身為孝順女的她言出必行,據地產界消息指,康華兩度現身樓盤的銷售現場。昨日第二度到銷售處的康華,打扮低調並以「丸子頭」造型現身,和現場的職員密斟,更有一名男子陪同。期間她翹着手站在樓盤模型前細看座向,並拿起有關資料研究。

昨日康華回覆本報,承認曾現身開售現場,她說:「只係經過八卦吓,咁貴,真係買唔起,我平時一有時間,都會行吓啲新樓盤,做定功課,咁多年嚟,都係覺得買磚頭穩陣啲。」