陳美齡炮製媽媽的味道

藝人陳美齡昨日為創世電視節目《主食寧感》擔任嘉賓，透露母親以往經常炮製栗子炆雞，現時她亦會煮該菜式給囝囝及老公品嘗，亦有傳授兒子製作方法：「啲仔喺美國住，有時煮畀佢食都讚，係媽媽嘅味道。平時我多數煮中菜，老公就話如果365日都食會死，所以我就中、日菜都煮吓。（有冇教新抱仔煮？）未有機會同佢長住，不過大仔青出於藍，識整中、日菜之餘，仲識煮Steak同燻鴨，好叻。」