「婚照」曝光江若琳嫌Oscar怕醜

藝人江若琳將於今年12月23日與「生煎包王」蕭潤邦(Oscar)結婚,日前她以婚紗店代言人身份拍攝婚紗相,而拍檔正是未婚夫,難怪特別興奮,她說:「我曾經同王浩信、蕭正楠影廣告婚紗相,連埋拍戲,大大話話着過十幾次婚紗,不過以前冇乜感覺,但拍檔係未來老公,覺得原來着婚紗係幾感動,會好期待睇相。」問她對Oscar的表現有何評價?她暗示對方從商更好:「佢雖然有Model身高,但對鏡頭好怕醜,所以佢都係努力建立生煎包王國啦,哈哈!」她又透露除了在港拍婚紗廣告外,還會到外國影另一輯婚照留念。