楊婉儀將港姐后冠作抵押借貸，同是港姐出身的女星亦有留意事件。早前有意拍賣后冠做善事的1996年港姐冠軍李珊珊表示：「會支持同尊重佢嘅所有決定，反而關心佢個人情況多過其他嘢。后冠係佢嘅私人物品，鍾意點樣處理都得，大家唔需要好奇，佢亦唔使同大家交代。」1993年冠軍莫可欣亦說：「呢啲係私人物件，尊重Winnie嘅個人決定，不過我依家先知后冠原來咁有價值，之前李珊珊都攞出嚟想拍賣。（你嗰個點處理？）用毛巾包住放咗入櫃，即刻要搵都未必搵到。」
而1985年冠軍謝寧則表示，當年后冠只是玻璃道具，不清楚楊婉儀的后冠已換上鑽石：「搞錯！早知叫個女去選！（后冠被抵押感可惜？）（奪冠）呢樣係人生好大成就，但我同佢唔熟，大家幫我問候吓佢。」1994年冠軍譚小環則表示不清楚事件，不便回應。