周奕瑋旅遊節目添食
無綫藝員周奕瑋昨日在尖沙咀出席永安旅遊 x KAYAK「港人自由行趨勢調查」記者會，指港人趨勢喜歡參加當地遊。身為「旅日達人」的他愛到日本，輕鬆旅遊則喜歡泰國，在泰國也參加過當地遊，好似烹飪課程，由到地道街市買餸到上堂學習烹調菜式，十分地道，他笑說：「唔係去厭日本，日本始終係情意結，因為去日本就會無時無刻諗工作，去泰國就可以好輕鬆，完全放低工作。」
周奕瑋早前主持的無綫旅遊節目《周遊東京》大受歡迎，年底將會拍攝新一輯：「冇諗過節目反應咁好，第二輯好大壓力，依家已經一路做緊資料搜集。」此外，他有帶旅行團遊日本：「我帶嗰啲團係經濟實惠團，已經第三次帶，都鍾意帶團，可以識到好多唔同嘅朋友。」