湯怡裸泳慶功淆底

首次擔任電影女主角的藝人湯怡（Kathy），昨日現身宣傳新戲《某日某月》。受訪時，她大呻新戲今日舉行首映，壓力大到失眠，笑說：「殺到埋身真係唔同，好似我家姐十月懷胎生B咁！雖然優先場反應好好，但真係有少少壓力。」問到男友洪卓立可有安慰她？她即笑稱只需戲內拍檔原島大地安慰：「佢返咗日本讀書，依家個人好似冇咗一半咁。（咁講唔驚男友呷醋？）我依家心入面得原島大地，首映佢都嚟唔到宣傳，不過遲啲應該會返嚟慶功。」