歌手林德信（Alex）昨日到電台宣傳新歌《愛的理由》，這首歌4年前已寫好，至今才推出，Alex解釋之前與朋友做了五首歌，因為要拍戲及做Project，少了時間放在音樂上：「咁啱有個護膚品牌搵我拍微電影，想要首歌，其中一首歌都好適合，就採用咗。」歌曲的MV，是Alex與朋友去葡萄牙旅行時順道以手機拍攝，連父親林子祥都讚好，他說：「爸爸好少主動讚我，佢冇智能手機、冇Facebook、冇ig，所以個MV相信都係佢身邊人畀佢睇。」
