陳慧琳拗柴古城步步驚心

陳慧琳在日本意外拗柴，行步路都要休息吓。

韓作曲人驚嘆靚聲

事後Kelly憶述當日意外發生的過程，指自己充當領隊帶領工作人員一嘗地道著名拉麵，下車期間只顧與司機傾偈，不小心將腳撞到石壆拗柴：「本來個MV拍攝好簡單，因為拗柴之後拐吓拐吓，每行一步路都好辛苦！」不過敬業的Kelly受傷後仍堅持拍攝，期間於古城行樓梯時可謂一步一驚心，之後移師到室內廠景再換造型拍至凌晨時分，幸好接下來的拍攝順利又滿意，收工時Kelly不忘笑言：「好感動，終於可以返酒店瞓覺。」

而是次新歌請來韓國作曲人及監製，專程來港幫Kelly錄音，錄音當天，當韓國作曲人一聽到Kelly的試唱歌聲，驚嘆：「Kelly張開口唱歌，就像一顆珍珠從蚌中滾出來！」Kelly對得到極高評價亦大感愕然，即時面紅尷尬，連忙用韓語說了三聲多謝。

Kelly的MV拍得好唯美。

人靚景靚，Kelly即時睇睇拍出來的效果。