李美琪告別脹爆瑜伽騷曲線
藝人張敬仁（Kendy）及李美琪（Monnie）首次玩空中瑜伽，但非常快上手，不少高難度動作都難不到她們！兩人都曾經身形暴脹，各有減肥心得，而Monnie更試過錯誤的減肥法，減不到磅還影響了身體。
Kendy和Monnie日前齊齊去學空中瑜伽，雖然兩人第一次上堂，但都有板有眼。身體柔軟度相當高的Kendy，輕易完成多個動作，身段還相當養眼！而愈來愈Fit的Monnie亦唔輸蝕，雖然筋骨不及Kendy柔軟，但勝在夠型格，動作做得十分利落！
肥到阿爸都唔認得
現在兩人都身材勻稱，回顧以前「肥爆」的日子，Monnie笑言曾經歷兩次「暴肥」，第一次是在英國讀書的時候：「我肥到暑假返香港時，連阿爸都唔認得我，話我似麵包超人！」第二次則是初入行，因為承受不到高壓生活而暴肥，最高峰期試過重達一百四十多磅。為了減肥，Monnie用了不少方法，更試過食減肥藥，但食到心跳手震，令她大呼怕怕。
泳裝上陣騷Quali
因用錯減肥方法而愈來愈脹的Monnie，在一年前終遇曙光，她說：「我突然間諗通咗，覺得唔應該畀咁大壓力自己，加上生活開心，令我由一舊烏雲變番陽光Mode，加上Keep住做運動同注意飲食，體重就係咁變番正常，我依家希望可以再Fit啲。」最近Monnie更被斟拍收身廣告，以泳裝盡展Fit爆身形！
而Kendy「最肥的日子」則是在美國讀書的時候，她說：「嗰時食親都係漢堡包、薄餅，想唔肥都難。（最後點減？）返嚟香港食番啲清淡嘅嘢，就好快瘦番！」
攝：司徒國榮
場地：SEEK. Yoga & Fitness Studio