佘詩曼攬麥子樂慶生拉住唔畀走！

向來人緣甚廣的佘詩曼（阿佘），前晚獲一班圈中好友在灣仔一間卡拉OK為她開Party倒數慶祝，約晚上十時許，「七魔女」成員湯盈盈、姚樂怡、周家蔚、文頌嫻、鍾麗淇、梁靖琪等先後到場，另有好友郭少芸、周家怡、郭政鴻、洪天明、謝天華及康華等出席。壽星女阿佘以粉紅色閃爆上衣襯牛仔褲及銀色高踭鞋現身，挽着粉紅色手袋的她，見到記者時即展露甜美笑容，加上緋聞男友麥子樂在場，難怪她全晚春風滿面。

Bobby人肉速遞

昨日阿佘在微博上載多張生日派對照片，當中更有攬實麥子樂的合照，她留言：「充滿笑聲的一個晚上。我的43。感恩有你們。」其後阿佘接受本報訪問說：「好開心，特別係Bobby（歐陽震華）喺南昌趕返嚟，所以等到好夜先切蛋糕，大家都玩得好開心。」

好姊妹姚樂怡表示大家悉心為阿佘安排節目：「前晚我哋一班姊妹先同阿佘去食晚飯，然後精心挑選咗一個阿佘鍾意嘅生日蛋糕，食完飯齊齊『護駕』壽星女去卡拉OK，成晚唱歌好開心。」

文頌嫻（左）與周家蔚結伴到場。	「七魔女」合體為佘詩曼倒數迎生日，梁靖琪更送香吻。	佘詩曼攬到實緋聞男友麥子樂，仲要瞇晒眼冧笑。

幫手招呼朋友

至於麥子樂亦送祝福：「每年阿佘生日個個都好盡興，因為阿佘太多朋友，我要幫手招呼朋友。（有冇飲醉？）我依家每日都要健身，所以一滴酒都冇飲，原本我諗住早走，但最後都畀阿佘拉住走唔到。大家都戥佢開心，祝阿佘永遠都咁靚、心想事成！」

佘詩曼站在波波池中，盡顯童真。

歐陽震華從南昌趕返港賀壽，夠晒畀面。