吳卓羲睇好《飛虎》點擊40億

藝人吳卓羲（Ron）、黃宗澤（Bosco）及王敏奕等出席邵氏網劇《飛虎之潛行極戰》慶功宴，此劇於內地點擊突破32.6億，於翡翠台播映時首周跨平台總收視達26.2，成績斐然。Ron直言開心到不得了，坦言有機會到40億。提到拍續集，他表示希望到時不會太熱：「拍呢輯時好焗，唔中暑都偷笑！冬天拍最好！（下輯到你除衫？）我同Bosco、苗僑偉拍沖涼、浸溫泉啦！」Bosco亦被指是福將，他笑言托賴，說到苗僑偉開火鍋店有沒有夾一份時，他說：「有嘅！等佢公布啦！佢依家喺加拿大放緊假，自我慶功。」