何傲兒「港普」煞食狂吸金
藝人何傲兒於2015年離開無綫後四處接洽新工作機會，去年她返內地拍攝劇集《歸去來》，夥拍一線女星唐嫣，劇中兩人有大量對手戲，分別到美國留學並住在同一屋簷下，因文化差異起初有誤會，之後成為好友。
戲份增多閉關練戲
劇集最近在內地播出，大受歡迎勇奪同時段劇集收視第一名，網上點擊率更已突破16億，戲份不少的傲兒直言喜出望外，更開心是獲得內地觀眾認同，她說：「原本最擔心係要講普通話，我角色設定係由香港去美國讀書嘅留學生，導演話唔使搵人幫我配音，由我用『港式普通話』，播出後好多人讚我普通話唔錯，而我個角色有時會講幾句廣東話，例如『有冇搞錯呀！』廣東省嘅朋友都話好有親切感！」她直言新劇受注目，帶挈她已接拍兩個廣告，亦有一堆演出斟洽中。
講到拍攝難忘事，傲兒表示起初在港收到劇本大綱，但到北京開會前再收到真劇本，發現戲份增多，令她立即勁緊張：「嗰陣都唔敢出街，不停閉關練戲，同埋用電話搵戲劇老師上堂。」
文：影視組