胡鴻鈞專(目及)得意妹

歌手胡鴻鈞（Hubert）昨日到電台宣傳新歌《偷聽情歌》，新歌講述主角迷戀陌生女孩，並透過接觸對方的物件來想像彼此在一起。問他可試過如此迷戀一個人？他透露中學時期只曾偷望心儀對象：「細個讀男校唔識同女仔講嘢，又驚瘀，身邊嘅男同學會送禮物畀女仔，不過我家境唔算富裕，就冇咁做，所以都係得個望字咋！（偷望人哋？）名正言順咁望，不過係善意，唔會令人感到冒犯。」問到愛看哪類型的異性？他笑言樣貌行先：「我鍾意啲得意可愛嘅女仔，高度就冇所謂。（依家有冇觀望對象？）又唔係咁大渴求，依家專注工作先。」