歌手柳妍熙（Shay）日前聯同40位同學為歌唱老師曾路得慶生，齊唱生日歌又送生日禮物，Shay指雙方關係已超越師生：「我18歲開始已拜曾路得為師，除咗喺唱歌上得佢嘅指導外，最感動係佢當我係女咁看待。佢見我工作忙，就會叫我去佢屋企飲湯。」
Shay又指因為近距離對住老師及同學唱歌，心情緊張到差點忘記歌詞，問到老師對她的歌藝有何評價？Shay說：「喺唱歌方面，老師好鼓勵同認同我，當然佢都會提點我有乜要改善嘅地方啦！」另外，Shay現時正收集新歌，還忙於處理青訓足球事務及籌備演藝訓練學院，她說：「想畀個平台幫啲對演藝有夢想嘅練習生。」