杜汶澤幫王晶戲搣飛呻折墮

杜汶澤透露節目以他26年前到台灣避債的「走佬路線」作藍本，首站就重臨當時的住宿地，他說：「環境好惡劣，喺呢度捱咗一年頂唔順，呢度老鼠仲多過人！」他透露當年試過醉酒鬧事，與人打交致遍體鱗傷，前妻亦有探望他。

片場被羞辱

節目中，他體驗打工滋味，為台灣青春劇做臨時演員，期間分享在片場的點滴：「曾幾何時，有個導演指住我說『嗰個行前一步！』當時有一班人喺度，唔知個導演叫邊個，『嗰個呀，最醜樣嗰個呀！』原來嗰個就係我，明白嘅，片場係一個充滿羞辱嘅地方。」他之後去了戲院做售票員，被老闆分派為王晶執導的電影售票，猶記得阿澤與王晶曾因政見分歧而鬧不和，難怪他說：「真係折墮！做咗咁多年電影，依家要做搣飛，仲要係幫佢搣！」

買菜驚見「大陸妹」

此外，他在當地菜檔買菜時，老闆娘介紹一種名叫「大陸妹」的蔬菜，阿澤聞言說：「大陸妹？我怕！」老闆娘回話：「你試過嗎？」阿澤即豪言：「我45歲人，有咩未試過？非洲人都試過！」老闆娘笑問他是真是假，又打趣說：「非洲人屁股比較大！」

文：影視組