Ana R.就生諸事不順人都癲
懷有身孕的名模Ana R.下月便是預產期，已有兩歲女兒Mara的她這段時間最需要照顧，卻諸事不順，除了家傭離職，女兒又感冒不適，令Ana十分擔心：「我有帶佢去做詳細檢查，但都搵唔到原因，所以呢段時間乜都做唔到，只留喺屋企。屋企仲有三隻狗，有一隻已經17歲，佢身體差情況唔理想，我都冇辦法，我簡直癲咗，又唔想有咁多負面情緒。」
今胎佗仔的Ana，十分期待小生命到來，她說自從做了媽咪後，生活完全改變，女兒變成她生命的全部：「Maya帶畀我好多快樂，無時無刻都會令到我笑，我樣樣嘢都會以佢為先，所以工作同家庭要分配得好好。」