王敏奕脫貧進駐3,000萬貝沙灣

現年26歲的王敏奕（Venus）入行至今已12年，單親家庭長大的她自小家境清貧，與母親及兩名弟弟居於柴灣漁灣邨百呎公屋。身為長女的她為幫補家計，14歲時已經半工讀，兼職平面模特兒養家，及後雖然參與不少電影演出，但依然要「身兼母職」，照顧弟弟幫手洗衫煮飯，慳得就慳的她曾表示靚衫都唔多件。

不過，Venus早年拍攝劇集《女人俱樂部》，令事業終見起色，成功入屋被網民捧為「氣質女神」。直至近日，她在熱播劇《飛虎之潛行極戰》演女飛虎大獲好評，被讚樣靚有仙氣外，演技亦進步不少。

曾國祥（右）雙手攞住紅酒同牛扒，唔想女友拎得辛苦。	王敏奕（圖）與曾國祥買完餸，急急腳駕車返新愛巢。	放大圖片

與曾國祥拍拖多年

事業如意愛情亦得意，Venus與曾志偉兒子曾國祥（Derek）拍拖多年，雖然年紀相差12年，但拍拖以來一直十分甜蜜，她更盡得「未來老爺」曾志偉歡心！早前志偉新餐廳開幕時，兩人被要求合照，志偉即親自拉着Venus拍照，可見早已視對方為「新抱仔」。有「未來老爺」錫到燶，Venus的生活明顯愈來愈富貴，一直被指與男友同居於九龍塘的她最近再度升級，拍拖進駐被圈中人視為風水地的貝沙灣，兩人於該處的3,000萬豪宅同居，實行終極脫貧。

王敏奕（後）拍拖行街市，買牛扒又買菜煮飯仔。	王敏奕	王敏奕與張兆輝（左）及黃宗澤（右）等合演《飛》劇，成功入屋。

行街市買餸煮飯仔

Venus日前被發現由男友驅車接載下，離開貝沙灣愛巢直駛往西環行街。戴黑超的兩人泊車後即往餐廳醫肚，食飽後又拍拖到附近店舖購買紅酒及牛扒，及後再轉戰街市選購各款蔬菜。期間二人有商有量，Derek不時氹到女友甜甜笑，廿四孝男友上身的他，還主動拿着大袋戰利品，取車後即急急返歸煮飯仔二人世界。

文、攝：追蹤組